कपिलवस्तुमा गोमन सर्पको डसाइले एक बालकको ज्यान गयो
- सनिउल्ला धोबी, कपिलवस्तु साउन २१,
कपिलवस्तुको शिवराज नगरपालिका वडा नं ४ चनईमा गोमन सर्पको डसाइले एक बालकको ज्यान गएको छ । चनईका शिव मंगल कोहारको ७ बर्षीय छोरा मनोज कोहारको गोमन सर्पको टोकाईले ज्यान गएको हो । राती सुतेको अवास्थामा गोमन सर्पले मनोजको खुट्टामा दुई ठाँउमा टोकेको वडा नं ४ का वडा अध्यक्ष सफिक अहमद मुसलमानले जानकारी दिनु भयो ।
तीन जना सगै सुतेको अवस्थामा मनोजलाई मात्र सर्पले टोकेको हो । सर्पले टोकेको थाहा पाएपछी कपिलवस्तुको गोरुसिगें स्थीत सर्पदंस उपचार केन्द्रमा लैजादै गर्दा बाटोमै मनोजको ज्यान गएको हो । गोमन सर्प घर नजिकै रहेको इटाको थुप्रोमा लुकेको अवास्थामा फेला पारी स्थानियले मारिदिएका छन ।
