नेकपा सचिवालय बैठक सकियो, चार केन्द्रीय सदस्य थपिए
काठमाडौं । नेपाल कम्युनिष्ट पार्टी (नेकपा) को सचिवालय बैठक सकिएको छ ।
पार्टी कार्यालय धुम्बाराहीमा बसेको नेकपाको बैठकले अबदेखि नेता तथा कार्यकर्ताहरुले सार्वजनिक रुपमा असन्तिुष्टि व्यक्त गर्न नपाइने निर्णय गरेको छ । नेकपाले सार्वजनिक असन्तुष्टि जनाउनेलाई स्पष्टिकरण सोधिने प्रष्ट पारेको छ ।
साथै सचिवालय बैठकले पार्टीको केन्द्रीय कमिटीमा चारजना नेताहरुलाई थप्ने निर्णय गरेको छ । थपिएका केन्द्रीय सदस्यहरुमा देवेन्द्र पराजुली, कल्पना धमला, किरण राई र पदम राई रहेका छन् । साथै बैठकले केही नेतालाई विभिन्न विभागमा इञ्चार्जसमेत ताेकेकाे छ ।
बैठक प्रधानमन्त्री तथा पार्टी अध्यक्ष केपी ओलीको स्वास्थ्य लाभको कामना गर्दै सकिएको हो ।
