तीन किलो अफिमसहित युवती पक्राउ
दाङ। जिल्ला प्रहरी कार्यालय दाङले तीन किलो परिमाणको छ टुक्रा अफिमसहित एक जना युवतीलाई पक्राउ गरेको छ।
दाङ घोराही उपमहानगर १४ मा डेरा गरी बस्ने वीरमाया पुनको कोठाबाट रोल्पा थवाङ २ की नविना रोका (घर्ती) शनिबार साँझ पक्राउ परेको प्रहरीले जनाएको छ।
नविना घोराही उपमहानगरपालिका ३ स्थित गोग्लीमा बस्दै आएकी थिइन्। नविना पक्राउ परे पनि प्रहरीले वीरमायालाई भने पक्राउ गर्न सकेको छैन। उनी रोल्पातिर रहेको र खोजीकार्य जारी रहेको प्रहरीले जनाएको छ।
