एनआईसी एशिया बैंकका सीईओ रोशन न्यौपानेलाई ‘प्रबल जनसेवा श्री चतुर्थ’
काठमाडौं– एनआईसी एशिया बैंकका प्रमुख कार्यकारी अधिकृत रोशन कुमार न्यौपानेलाई प्रबल जनसेवा श्री (चतुर्थ श्रेणी) प्रदान गरिएको छ ।
संविधान दिवसका अवसरमा राष्ट्रपति विद्यादेवि भण्डारीबाट प्रबल जनसेवा श्री (चतुर्थ श्रेणी) द्वारा विभुषित गर्ने घोषणा भएको हो ।सरकारले संविधान दिवसका अवसरमा मुलुकका विभिन्न क्षेत्रमा योगदान पुर्याएका व्यक्तित्वहरु विभिन्न पदवीबाट विभुषित गर्ने गरेको छ ।
नेपाल सरकारको सिफारिसमा मुलुकको समग्र बैंकिङ्ग क्षेत्रमा न्यौपानेले र्पुयाएको योगदानको कदर स्वरुप संविधान दिवस २०७६ को अवसरमा शुक्रबार उक्त पदवीको घोषणा भएको हो ।
सिईओ न्यौपाने नेपालको बाणिज्य बैंकहरुमा कार्यरत प्रमुख कार्यकारी अधिकृतहरु मध्ये सवैभन्दा कान्छा सिईओ पनि हुन् । चार्टड एकाउण्टेन्ट समेत रहेका न्यौपाने रसुवामा जन्मिएका हुन् ।
नेपाल सरकारले घोषणा गरेको पदवी आगामी बैशाखमा दिने बताएको छ ।
