एक लाख नगदसहित जुवाडे पक्राउ
बाँके । नेपाल प्रहरीले एक लाख नगदसहित तीन जना जुवाडेलाई पक्राउ गरेको छ । कोहलपुर नगरपालिका–११ का पुष्पराज खनालको घरमा जुवा खेलिरहेको भन्ने सूचनाका आधारमा प्रहरीले उनीहरुलाई पक्राउ गरेको हो ।जुवा खेलिरहेका अरू तीन जना फरार रहेको प्रहरीले जनाएको छ ।
पक्राउ परेका कोहलपुरका उमेश शाही, केशवराज क्षेत्री र नरबहादुर खत्रीका साथबाट ९८ हजार दुई सय नगद रकम बरामद गरेको जिल्ला प्रहरी कार्यालय बाँकेका प्रहरी प्रवक्ता एवं प्रहरी नायब उपरीक्षक शिवबहादुर सिंहले जानकारी दिनुभयो ।
