टेनिसमा १५ वर्षीया गाउफको कमाल
अमेरिकाकी कोको गाउफ कम उमेरमा डब्लुटीए टेनिस उपाधि जित्ने खेलाडी बनेकी छन् ।
१५ बर्षीया गाउफले अस्ट्रियाको लिन्ज ओपन टेनिस जित्दै कम उमेरमा डब्लुटीए टेनिसको उपाधि जित्ने कीर्तमान रचिन् ।
कम उमेरमै कमाल गरेकी गाउफले आइतबार राति भएको फाइनल खेलमा लात्भियाकी जेलेना ओस्टापेन्कोलाई ६–३, १–६, ६–२ को सेटमा हराइन् ।
गाउफको यो पहिलो डब्लुटीए उपाधि हो । जितपछि गाउफले आफ्ना लागि यो साता अतुलनीय भएको बताइन् ।
‘म यस क्षणलाई कहिल्यै भुल्न सक्दिन । मलाई आशा छ, भविश्यमा अझै राम्रो गर्नेछु,’ गाउफले भनिन् । गाउफले हराएकी ओस्टापेन्को सन् २०१७ को फ्रेन्च ओपन विजेता खेलाडी हुन् ।
