पिकअप भ्यान दुर्घटना, २ को मृत्यु, चालक फरार

गुल्मी । जिप दुर्घटना हुँदा गुल्मीमा २ जनाको मृत्यु भएको छ। मुसिकोट नगरपालिका-९ ददल्कामा लु १ च ३५१४ नम्बरकाे पिकअप भ्यान दुर्घटना हुँदा २ जनाको मृत्यु भएको हो।

दुर्घटनामा ३ जना घाइते भएको जिल्ला प्रहरी कार्यालय गुल्मीका एसपी राजेन्द्रसिंह खड्काले बताए। बुधबार साँझ पाँणथोकबाट ददल्का जाँदै गरेको भ्यान ददल्का काबरोड भन्ने स्थानमा दुर्घटनामा परेको हो।

दुर्घटनामा परी मुसिकोट नगरपालिका-९ अर्लाङ्कोटका अन्दाजी ७० वर्षीय रामप्रसाद खरेलको मृत्यु भएको छ। अर्का मृतकको सनाखत हुन बाँकी छ। घाइते हुनेहरुमा मुसिकोट नगरपालिका-७ वामीका २३ वर्षीय भानुभक्त पौडेल, ८ वर्षिया सोनीया बिक, २६ वर्षिय बिष्णु बिक छन्। घाइतेहरु सबैलाई उपचारको लागि बाग्लुङ्गको हटिया पठाइएको प्रहरीले जनाएको छ। जिप चालक ज्ञान बहादुर बिक फरार रहेका छन्।