कपिलवस्तुमा जिल्लामै पहिलो पटक कपिलवस्तु डान्सीङ्ग स्टार २०७६ प्रतियोगीता हुने भएको छ । छमछमी कला केन्द्रको आयोजनामा जिल्लामा पहिलो पटक प्रतियोगीता हुन लागेको पत्रकार सम्मेलन मार्फत जानकारी गराइएको छ । कपिलवस्तुको चन्द्रौटामा पत्रकार सम्मेलन गर्दै आगमी मंसीर १५ गते देखी रियालिटी शो प्रतियोगीता हुने छमछमी कला केन्द्रका प्रमुख सुमन पौडेलले जानकारी दिनु भयो ।पहिलो चरणमा यही कार्तिक १९ र ३० गते विभिन्न स्थानमा अडिशन हुने बताइएको छ ।
अडिशन कपिलवस्तुको तौहिलवा, चारनंम्बर जितपुर, गोरुसिगें, इमिलिया र चन्द्रौटामा अडिशन गर्ने कला केन्द्रका प्रमुख सुमन पौडेलले बताउनु भयो । कपिलवस्तु डान्सीङ्ग स्टार २०७६ प्रतियोगीतामा करिब एक हजारले सहभागीता जनाउने लक्ष्य राखीएको छ । पहिलो चरण अडिशनमा छनोट भएका सहभागीहरुलाई मात्र रियालिटी सो कार्यक्रममा प्रवेश गनराउन सकीने पत्रकार सम्मेलनमा कपिलवस्तु डान्सीङ्ग स्टार २०७६ प्रतियोगीताका कार्यक्रम संञ्चालक तथा गायक दिपक भण्डारीले जानकारी दिनु भयो ।
डान्सीङ्ग स्टारको जजको रुपमा नेपालको चर्चित नायिका पुजना प्रधान, मोडल हरि।शरण रिजाल र छमछमी कला केन्द्रका प्रमुख तथा नित्य निर्देशक सुमन पौडेल रहेका छन । प्रतियोगीताको तयारी अन्तीम चरणमा पुगेको आयोजकले जानकारी दिएको छ । रियालिटी शो कार्यक्रम ५ नं प्रदेशको चर्चित टेलिभिजन बुद्ध टेलिभिजनमा प्रशारण हुने आयोजनकले जनाएको छ । डान्सीङ्ग स्टार प्रतियोगीताले कपिलवस्तुको शान उच्च राख्ने आयोजकको भनाइ रहेको छ ।
