८ जुवाडे अस्पताल भर्ना
काठमाडौं । २ करोड ६७ लाख नगदसहित जुवाखालबाट पक्राउ परेकामध्ये केही जुवाडे हिरासतमा छल्न अस्पताल भर्ना भएका छन् । पक्राउ परेका २५ मध्ये आठ जना केही दिनयता अस्पतालमा छन् ।
पक्राउ परेकामध्ये पवित्रकुमार कार्की, इन्द्रबहादुर श्रेष्ठ, सोहेल कार्की, पवनकुमार गुप्ता, शम्भुकुमार बुढाथोकी, होमप्रसाद चौलागाईं, श्रवणकुमार गोयल र रञ्जन राजवंशी ह्याम्स अस्पताल भर्ना भएका हुन् ।
केही प्रेसर त कोही मुटुको रोगी भन्दै अस्पताल भर्ना भइरहेका छन्, ‘महानगरीय प्रहरी वृत महाराजगन्जका एक प्रहरी अधिकारीले भने, ‘चिकित्सकले नै भर्ना गर्ने निर्णय गरेपछि हामीले रोक्ने सक्ने अवस्था भएन ।’ नयाँ पत्रिका दैनिकले खबर छापेको छ ।
