कपिलवस्तुमा उपनिर्वाचन तयारी पुरा, सुरक्षा व्यवस्था कडा

कपिलवस्तु १३ मंसिर,
कपिलवस्तुको शिवराज नगरपालिका वडा नं. १० लालपुरमा हुने उप निर्वाचनको तयारी पुरा भएको निर्वाचन कार्यलय कपिलवस्तुले जनाएको छ । वडा न १० को लालपुर र शितलापुर गरी दुई आधारभुत विद्यालयलाई मतदान स्थल तोकिएको छ भने मतदान केन्द्र भने तिन वटा निर्धारण गरिएको छ ।
शिवराज नगरपालिका वडा न १० मा २ हजार ७२ जना मतदाता रहेका जिल्ला निर्वाचन कार्यलय कपिलवस्तुले जनाएको छ । शितलापुरमा ९०४ ,लालपुरमा ११६८ मतदाता रहेका छन । शनिवार हुने उपनिर्वाचनमा लागी खटिएका कर्मचारीहरु मतदान केन्द्र व्यावस्थापन गर्न व्यस्तता वढेको छ । निर्वाचन आयोगले खटाएका कर्मचारीहरुले निर्वाचनको अघिल्लो दिन आज मतदाता परिचय पत्र लैजान वाकि रहेका मतदातालाई परिचय पत्र वितरण गरिएको थियो ।
उपनिर्वाचनका लागि ३ जना मतदान अधिकृत, ३ जना सहायक मतदान अधिकृत ६ जना साहयक कर्मचारी, ३ जना सहयोगी गरी १५ जना कर्मचारी खटाईएको जिल्ला निर्वाचन कार्यालय कपिलवस्तुका प्रमुख अयोध्य प्रसाद भण्डारीले जानकारी दिनुभएको छ । बिहान ७ बजेबाट बेलुकी ५ बजेसम्म मतदान हुनेछ । मतदान पश्चात मतपेटीका मुख्य निर्वाचन अधिकृतको कार्यालय बलेटक्सारमा संकलन गरेर जनाइएको छ ।
प्रमुख जिल्ला अधिकारी गजेन्द्र वहादुर श्रेष्ठको संयोजक्त्वमा सुरक्षा व्यवस्था गरिएको छ ।

मतदातालाई ठुक्क भएर मतदान गर्न जिल्ला निर्वाचन कार्यलय अपिल समेत गरेको छ । सुरक्षा लागि नेपाल प्रहरी, शसस्त्र,अनुसनधान र नेपाली सेना खटिएका छन् । प्रमुख जिल्ला अधिकृत श्रेष्ठले ढुक्क भएर मतदानमा प्रक्रियामा सहभागी हुन मतदातालाई आग्रह गर्नुभएको छ । निर्वाचनलाई शान्तिपूर्ण भय रहित वातावरणमा सम्पन्न गर्न आवश्यक सुरक्षा तयारी पुरा भएको जानकारी दिनुभएको छ । निर्वाचन प्रयोजनका लागि पास उपलब्ध गराइएका सवारी सधान बाहेक अन्यलाई निर्वाचनको अबधीभर चलाउन नपाइने सुरक्षा अधिकारीको भनाई छ ।

वडा न १० क्षेत्रको चारै तर्फ सुरक्षाकर्मीलाई खटाइएको छ । मतगणना सनिवार वाटै हुन सक्ने सम्भावना रहेको निर्वाचन कार्यालयले जनाएको छ । मुख्य निर्वाचन कार्यलय चन्द्रौटा परिसरमा मतगणना गरिने निर्वाचन अधिकारी भण्डारीले जानकारी दिनुभएको छ ।

निर्वाचनमा नेपाल कम्युनिष्ट पार्टीका अदालत मनियार,नेपाली काग्रेसका देवराज भारती,समाजवादी पार्टी नेपालका तिरथ वहादुर रायमाझी,राजपा वाट मन्जु मिश्र लागएत १२ जनाको उम्मेदवारी रहेको । शकुन्तला भारतीको निधन भएका कारण उक्त वडामा अध्यक्ष पदको लागी निर्वाचन हुन लागेको हो ।