धरानमा मतगणना जारी, झिनो मत अन्तर
धरान- सुनसरीको धरान उपमहानगरपालिकाको मेयर पदका लागि भएको उपनिर्वाचनको मतगणना जारी छ । निर्वाचन कार्यालयका अनुसार अहिले सम्म तीनवटा वडाको मत गणना सकिएको छ ।
पछिल्लो मत परिणाम अनुसार धरान उपमहानगरपालिकाको मेयर पदका उम्मेदवार नेकपाका प्रकास राईले २३ सय ९ मत प्राप्त गरेका छन् । उनलाई पछ्याइरहेका नेपाली कांग्रेसका तिलक राईले २२ सय ९२ मत पाएका छन् ।
त्यस्तै संघीय लोकतान्त्रिक राष्ट्रिय मञ्च लिम्बूवानका अमर इजमले १ सय ३१, संघीय समाजवादीका गजेन्द्र इस्बोले ७९, स्वतन्त्र उम्मेदवार हर्कराज राईले ६०, स्वतन्त्र उम्मेदवार डा. अमृतकुमार राईले १७ मत प्राप्त गरेका छन् ।
धरान उपमहानगरपालिकाको वडानं. २० बाट शुरु गरिएको मतगणना अहिले सम्म वडानं. १९ र १८ को सकिएको छ । जसको परिणाम हेर्दा नेकपा र नेपाली कांग्रेसबीच १७ मत मात्रै अन्तर रहेको छ ।
अहिले धरान वडा नं. १७ को मतगणना जारी छ ।
