कपिलवस्तुस्थित ससुरा हत्याकाण्ड ,बुहारी कै संलग्नतामा ससुरा हत्या :प्रहरी

कपिलवस्तु ।
कपिलवस्तुको बुद्धभूमि नगरपालिका वडा नं। २ गोरुसिंगेस्थित गत मंसिर १३ गते भएको धनराज पौडेलको हत्या मा बुहारी नै सलंगन रहेको प्रहरीको प्रारम्भिक अनुसन्धानले देखाएको छ । गत मंसिर १३ गते दिउँसो आफनै घरमै बुहारी लक्ष्मी पौडेलले ससुराको हत्या गरेको अनुसन्धानले देखाएको हो ।

प्रहरीले ससुरा पौडेलको हत्या संलग्नता रहेको आशंकामा हत्या भएकै दिन बुहारी लक्ष्मी लाइ इलाका प्रहरी कार्यालय गोरुसिंगेले नियन्त्रणमा लिएको थियो ।केहि दिन अगाडि सोहिघटनाको अनुसन्धान गर्नका लागि नेपाल प्रहरीको केन्द्रिय अनुसन्धान व्यूरो ९सिआईबी० को टोली कपिलवस्तु आएको थियो । उक्त सिआईबीको टोलीले शसुराको हत्यामा बुहारी को नै संलग्न रहेको रिर्पोट निकालेको छ । लामो समयको अनुसन्धान पछि घटनाको आरोपित पत्ता लागेको प्रहरीले स्रोतले जनाएको छ । अव केहि दिन मे घटनाको कपिलवस्तु प्रहरीले पत्रकार सम्मेलन गरेर सार्वजिनक गर्ने तयारी गरेको छ ।