प्रधानमन्त्री ओलीलाई भीम रावलको प्रश्न : तक्माका नक्सामा कालापानी किन गायब ?
काठमाडौं-नेकपा एमालेका नेता भीम रावलले राष्ट्रपतिले शुक्रबार वितरण गरेको तक्मामा नेपालको नक्सा चुच्चे होइन, बुच्चे राखिनुमा गम्भीर शंका व्यक्त गनु भएको छ ।
सरकारको सिफारिसअनुसार राष्ट्रपति विद्यादेवी भण्डारीले वितरण गरेको विभिन्न पदवीका तक्मामा अंकित नेपालको नक्सामा लिम्पियाधुरा, लिपुलेक र कालापानी क्षेत्र समेटिएका छैनन्।
यसो गरिनाको कारण भारतीय गुप्तचर निकाय रअका प्रमुखले बालुवाटामा मध्यराति प्रधानमन्त्री केपी शर्मा ओलीलाई भेट्नुको परिणाम त होइन भनेर नेता रावलले प्रश्न उठाउनुभएको हो । यसको जवाफ प्रधानमन्त्री ओलीले दिनुपर्ने उहाँको माग छ।
उहाँले भन्नुभएको छ , ‘राष्ट्रियताको भावनाका साथ प्रदान गरिने तक्मामा अंकित नेपालको नक्सामा दार्चुला जिल्लाका लिम्पियाधुरा, लिपुलेक र कालापानी क्षेत्र नराखिनुको आशय के होरु प्रधानमन्त्रीले तुरुन्त जवाफ दिनुपर्छ।’
सामाजिक सञ्जालमार्फत उनले अगाडि प्रश्न गर्नु भएको छ ‘यसो हुनुको कारण कतै बालुवाटारमा प्रमको विदेशी गुप्तचर समेतका व्यक्तिहरूसँगको मन्त्रणा त होइन?
केही समयअघि भारतको गुप्तचर संस्था रअका प्रमुख सामन्त गोयलले प्रधानमन्त्रीको सरकारी निवास ९बालुवाटार० मै आएर मध्यराति प्रधानमन्त्री ओलीसँग भेटवार्ता भएको थियो । जसको व्यापक आलोचना भएको थियो।।
