ला लिगा फुटबलमा बार्सिलोना र एट्लेटिकोको बराबरी
एजेन्सी -स्पेनिस फुटबल लिग ला लिगा अन्तर्गत बार्सिलोना र एट्लेटिको मड्रिडले बराबरी खेलेका छन् । शनिबार राति भएको खेलमा बार्सिलोना घरेलु मैदानमा शीर्ष स्थानको एट्लेटिकोसँग गोलरहित बराबरीमा रोकिएको हो ।
बराबरीसँगै एट्लेटिकोले ३५ खेलमा ७७ अंक जोडेको छ । शीर्ष स्थानको एट्लेटिको बार्सिलोना भन्दा २ अंकले मात्र अघि रहेको छ । बार्सिलोना ३५ खेलमा ७५ अंकसहित दोस्रो स्थानमा छ ।
