प्रधानमन्त्री देउवाद्वारा मन्त्रिपरिषद् बैठक आवहान

काठमाडौं – प्रधानमन्त्री शेरबहादुर देउवाले मन्त्रिपरिषद्को बैठक बोलाउनुभउको छ ।सरकार गठन गरेको एक महिना बित्दापनि मन्त्रिमण्डल विस्तार गर्न नसकेका देउवाले मन्त्रिपरिषद्को बैठक बोलाउनुभएको हो ।

देउवा नेतृत्वको मन्त्रिमण्डलमा चार जना मात्रै मन्त्री हुनुन्छ। बैठक आज दिउँसो ३ बजे बालुवाटारमा म बस्ने प्रधानमन्त्री देउवाको सचिवालयले जनाएको छ।

बैठक नियमित भएकाले कोरोना महामारी रोकथाम र सरकारका कामकारबाही मात्रै एजेण्डा रहेको बताइएको छ। सर्वोच्च अदालतको परमादेशमा गत असार २९ गते प्रधानमन्त्रीको शपथ लिएका देउवाले तत्काल मन्त्रिपरिषद् विस्तार गर्ने तयारी गर्नु भएको छ । सरकारका न्यूनतम साझा कार्यक्रम आएपछि मन्त्रिमण्डल विस्तारको काम अघि बढ्ने नेताहरुले बताउनुभएको छ ।

सत्ता गठबन्धनका दलहरुबीच मन्त्रालयको भागबण्डा मिल्न नसक्दा मन्त्रिमण्डल विस्तारमा ढिलाई भएको हो। आइतबार सत्ता गठबन्धनले सरकारका न्यूनतम साझा कार्यक्रम सार्वजनिक गरेको थियो।