मनसुन फेरि सक्रिय, सतर्कता अपनाउन आग्रह
काठमाडौं -मनसुन न्यून चापीय रेखा नेपाल नजिकै सरेकाले सोमबारसम्मै ठूलो पानी पर्ने सम्भावना रहेको मौसमविदले बताउनुभएको छ ।मौसमविदका अनुसार मनसुन न्यून चापीय रेखा बुधबार साँझदेखि नेपाल नजिक छ । त्यसैले हाल देशभर बादल लागेको छ र प्रदेश नं। १, बागमती प्रदेश, गण्डकी प्रदेश, लुम्बिनी प्रदेश र सुदूरपश्चिम प्रदेशका केही स्थानहरूमा हल्कादेखि मध्यम वर्षा भइरहेको छ ।
मनसुनी न्यून चापीय रेखा नेपालको तराई भूभाग नजिकै सरेकाले मनसुन सक्रिय भएको छ,’ मौसमविद समिर श्रेष्ठले भने, ‘यसको प्रभाव आगामी आइतबाररसोमबारसम्मै रहने देखिन्छ ।’ उहाँले एकै ठाउँमा लगातार ठूलो पानी पर्ने नभइ फरक(फरक दिन र स्थानमा ठूलो पानी पर्ने सम्भावना रहेको बताउनुभयो । यस्तो क्रम आगामी एक सातासम्मै रहने उहाँले बताउनुभयो ।
मौसमविद श्रेष्ठले भन्नुभयो ‘आज राति बागमती प्रदेशका धेरैजसो ठाउँमा र भोलि बिहान सुदूरपश्चिम प्रदेशका धेरैजसो ठाउँमा ठूलो पानी पर्ने सम्भावना छ ।’जल तथा मौसम विज्ञान विभागको मौसम पूर्वानुमान महाशाखाले मनसुन थप सक्रिय हुनेबारे यसअघि नै विशेष बुलेटिन निकालेर जानकारी गराएको थियो ।
महाशाखाले बिहीबार बिहान जारी गरेको तीन दिनको मौसमी पूर्वानुमान बुलेटिनमा लेखिएअनुसार आगामी चौबिस घण्टाको अवधिमा प्रदेश नं १, प्रदेश नं २, बागमती प्रदेश, गण्डकी प्रदेश, लुम्बिनी प्रदेश र सुदूरपश्चिम प्रदेशका एक(दुई स्थानहरुमा मेघ गर्जनरचट्याङ्ग सहित भारी वर्षाको सम्भावना छ । पहाडी भूभागमा भूक्षय, पहिरो तथा गेग्रान बहावको जोखिम समेत रहेकाले सतर्कता अपनाउन अनुरोध गरिएको छ ।
यो वर्षको मनसुनको सुरुवात नै भारी वर्षाबाट भएको थियो । जेठ अन्तिम साता र असार पहिलो सातामा परेको वषरका कारण सिन्धुपाल्चोक, मनाङ लगायतका जिल्लामा ठूलो क्षति पुगेको थियो । यस वर्षको मनसुनमा हालसम्म धेरै क्षति व्यहोर्ने जिल्ला सिन्धुपाल्चोक भएको छ ।
