विमलेन्द्र निधि महाधिवेशनको तयारीमा बानेश्वरमा सम्पर्क कार्यालय
काठमाडौं-नेपाली कांग्रेसका उपसभापति विमलेन्द्र निधिले १४औँ महाधिवेशनको तयारी स्वरुप बानेश्वरस्थित बानेश्वर बैंक्वेटमा सम्पर्क कार्यालय खोल्नुभएको छ ।कांग्रेसको सभापति पदमा उम्मेदवारी दिने निर्णयगरेसँगै निधिले शुक्रबार बानेश्वरस्थित बानेश्वर बैंक्वेटमा सम्पर्क कार्यालय उद्घाटन गर्नु भएको छ । उहाँको सम्पर्क कार्यालयको उद्घाटनमा कांग्रेसका नेताहरु उपस्थित हुनुभएको थियो ।
उहाँले सभापति शेरबहादुर देउवालाई आफू पनि सभापति पदमा उम्मेदवारी दिने जानकारी गराइसक्नुभएको छ । तर, देउवाले भने सभापतिमा दाबेदारी नगर्न ग्रह गर्दै आउनुभएको छ । देउवाका विश्वासपात्र मानिएका निधिले सभापतिको उम्मेदवारीबाट पछि नहट्ने घोषणा गर्नुलाई अर्थपूर्ण रूपमा हेरिएको छ।
