माओवादी केन्द्र शिवराजद्वारा शोक सभा
कपिलवस्तु -नेकपा माओवादी केन्द्रका जिल्ला सचिवालय सदस्य तथा शिवराज नगर कमिटि अध्यक्ष दिनेश पुनकी हजुरआमा मिना पुनको निधन प्रति शोक सभा गरिएको छ । शिवराज नगरपालिका १ धानखोला उहाँको निवासमा पुगि आज शोक सभा गरिएको हो ।
शोक सभामा प्रदेश कमिटि सदस्य वालकराम वुढाले हजुरआमा योगदान अतुलनिय रहेको बताउनुभयो । नातिलाई राजनितिमा सकृय बनाउन हजुरबुवा आमाको साथले मात्र सफल भएको भन्दै यस्ता नेपाली आमाहरुलाई सधै उच्च सम्मान गर्नुपर्ने बताउनुभयो । शोक सभामा नेता चुर वहादुर खड्काले यस परिवार सामाजिक काममा सकृय रहेको बताउँनुभयो ।
राजनिति मात्र नभएर स्वास्थ्यस्वयम सेविका र नेताहरुलाई सहयोग गर्ने परिवार रहेको बताउनुभयो । भरत पोख्रेलले हजुरआमा जिवनी पढेर सुनाउनुभएको थियो । दिनेश पुनले आमा सानैमा वितेकोले हजुरआमाको साहारामा आफु रहेको बताउनुभएको थियो ।
