देउवालाई थापाको जवाफ : राजालाई गाली गरेर अब शासन चल्दैन
काठमाडौं – राष्ट्रिय प्रजातन्त्र पार्टी (राप्रपा) अध्यक्ष कमल थापाले राजालाई गाली गरेर अब शासन नचल्ने बताउनुभएको छ । ।
प्रधानमन्त्री शेरबहादुर देउवाले गणतन्त्र राजा ज्ञानेन्द्रकै कारण आएको र प्रजातन्त्रविरुद्ध लाग्नुभन्दा चुनाव लडेर राजनीति गर्न ज्ञानेन्द्रलाई सुझाएका बेला यो अभिव्यक्तिमा थापाले जवाफ सामाजिक सञ्जालबाट दिनुभएको हो ।
थापाले राजाविरुद्ध आक्रोश होइन सुशासन दिन देउवालाई आग्रह गर्नुभएको छ ।
‘न्यायालय हडतालमा छ, संसद अवरुद्ध छ, सरकार भ्रष्टाचार र सर्वसत्तावादमा लिप्त छ, धर्म परिवर्तन व्यापक भएको छ, रोजगारीको खोजीमा ४० लाख युवा विदेश पलायन भएका छन् । संघीय गणतन्त्र असफल भैसक्यो’, उनले भनेका छन्, ‘राजालाई गाली गरेर राज गर्ने जमाना अब छैन ।’
प्रम देउवालाई आग्रह-
राजा विरुद्ध आक्रोश होईन,सुशासन दिनुहोस्।न्यायालय हडतालमा छ,संसद अवरुद्ध छ,सरकार भ्रष्टाचार/सर्वसत्तावादमा लिप्त छ,धर्मपरिवर्तन व्यापक भएको छ,रोजगारीको खोजीमा ४०लाख युवा विदेश पलायन भएका छन्।संघीय गणतन्त्र असफल भैसक्यो।राजालाई गाली गरेर राज गर्ने जमाना अब छैन— Kamal Thapa (@KTnepal) November 10, 2021
