थप २ सय ५९ जनामा कोरोना संक्रमण पुष्टि, ३ जनाको मृत्यु
काठमाडौं- पछिल्लो २४ घन्टामा नेपालमा २ सय ५९ जनामा कोरोना भाइरसका संक्रमण पुष्टि भएको छ ।स्वास्थ्य तथा जनसंख्या मन्त्रालयका अनुसार १० हजार ४८ सय ७ जनामा गरिएको पिसिआर तथा एन्टिजेन परिक्षणमा २ सय ५९ जना संक्रमिण पुष्टि भएको हो । योसंगै नेपालमा ८ लाख २३ हजार ७८६ जनामा कोरोना संक्रमण पुष्टि भएको छ ।
पछिल्लो २४ घण्टामा ३ सय ३७ जना संक्रमित संक्रमणमुक्त भएका छन् । नेपालमा संक्रमणमुक्त हुनेको संख्या ८ लाख ६ हजार २३७ पुगेको मन्त्रालयले जनाएको छ ।
यस्तै आज ३ जना संक्रमितको मृत्यु भएको छ । कोरोना संक्रमणकै कारण नेपलामा ११ हजार ५५२ जनाले ज्यान गुमाइसकेका छन् ।मन्त्रालयको विवरणअनुसार हाल देशभर ५ हजार ९ सय ९७ जना सक्रिय संक्रमित रहेका छन्।
