प्युठानमा दुलही लिएर फर्किँदै गरेको जिप दुर्घटना, ६ जनाको मृत्यु
प्युठान- प्युठानको गौमुखी गाउँपालिकास्थित लिवाङ ओखरपोटमा जिप दुर्घटना हुँदा ६ जनाको मृत्यु भएको छ ।
दुलही लिएर फर्किँदै गरेको ग १ ज ५०९२ नम्बरको जिप ३ बजे गौमुखी गाउँपालिका वडा नम्बर ६ लिवाङ ओखरपाटामा दुर्घटना हुँदा ६ जनाको घटनास्थलमै मृत्यु भएको प्रहरीले जनाएको छ ।
जिपमा सवार अन्य सात जना गम्भीर घाइते भएका छन् । उनीहरूलाई उपचारका लागि बिजुवार पुर्याइएको छ ।
जिप सडकबाट करिब ३ सय मिटर तल खोल्सामा खसेको प्रहरीले जनाएको छ । घाइते तथा मृतकको विवरण प्राप्त हुन बाँकी रहेको लिवाङ प्रहरीले जनाएको छ ।
