प्रधानमन्त्री जसरी पनि एमसीसी पास गर्नेतर्फ लागे देश दुर्घटनातिर जान्छ:झलनाथ
काठमाडौं – नेकपा(एकीकृत समाजवादी) का सम्मानित नेता झलनाथ खनालले सरकार एमसीसी पास गर्ने पक्षमा भए देश दुर्घटनातिर जाने चेतावनी दिनु भएको छ।
नेकपा एमालेसँग सहमति गरेर एमसीसी पास गरे मुलुकमा शान्ति कायम हुन्छ भन्ने सपना देख्नु कांग्रेसको दिवा सपना मात्र भएको जिकिर गर्नु भयो ।
नेता खनालले एमसीसीका कारण अहिले समाज, राष्ट्र, राजनीतिक पार्टी र संसद विभाजित बनिरहेको उल्लेख गर्दै यस्तो बेलामा नेपाल एकतावद्ध हुनुपर्ने बताउनु भयो ।
उहाँले एमसीसीको बारेमा अझै देशभित्र राष्ट्रिय सहमति खोजेर बाँकी सम्भावनाहरुलाई उजागर गर्न आवश्यक रहेको उल्लेख गर्नु भयो ।
