बालिका बलात्कारपछि हत्याको विरोधमा माइतीघरमा प्रदर्शन
काठमाडौं- बलात्कारको विरोधमा मंगलबार महिलाहरुको एक समूहले काठमाडौंको माइतीघरमा प्रदर्शन गरेको छ ।मोरङको सुन्दरहरैंचा नगरपालिका-७ कि २१ महिने बालिकाको बलात्कारपछि हत्या भएको घटनाको विरोधमा उनीहरुले विरोध गरेका हुन् । ‘श्रीमती संगठन’ नामको व्यानरमा गरिएको विरोध प्रदर्शनमा महिहलाहरुले ‘बलात्कारको मुद्दालाई राजनीतिक एजेण्डा बनाऊ’, ‘बलात्कार तिमीहरुले गर्ने, लुकेर हामीले बस्ने’ लगायतका नारा लेखेको प्लेकार्ड बोकेका थिए ।
२८ फागुनमा मोरङको सुन्दरहरैचा-७ मा २१ महिने बालिकाको बलात्कारपछि हत्या भएको थियो । घटनामा संलग्नको आरोपमा प्रहरीले स्थानीय अजय चौधरी र मिथुन चौधरीलाई पक्राउ गरेको छ ।
