राप्रपाले ४ महानगरका प्रमुख र उपप्रमुखका उम्मेदवार टुङ्ग्यायो
काठमाडौं – राजेन्द्र लिङ्देन नेतृत्वको राष्ट्रिय प्रजातन्त्र पार्टीले ६ मध्ये ४ वटा महानगरको उम्मेदवारको टुङ्गो लगाएको छ।राप्रपाले काठमाडौं महानगरपालिका प्रमुखमा मदनदास श्रेष्ठ र उपप्रमुखमा विनिता मगैया, ललितपुर महानगरको प्रमुखमा अष्ट महर्जन र उपप्रमुखमा स्वर्णिमा शाक्यलाई उम्मेदवार बनाएको छ।
पोखरा महानगरमा शंकर खराललाई प्रमुख, रञ्जु सेनलाई उपप्रमुख र वीरगञ्ज महानगरपालिकाको प्रमुखमा पत्रकार गिरीश गिरी र उपप्रमुखमा विना जयसवालको नाम टुङ्गो लागेको पार्टी प्रवक्ता मोहन श्रेष्ठले जानकारी दिए।
उनका अनुसार बाँकी २ महानगरपालिकाका उम्मेदवारको टुङ्गो पनि शनिबार राति अबेरसम्ममा टुङ्गो लगाइने छ।
राप्रपाले बुटवल उपमहानगरको प्रमुखमा मृगेन्द्र शेरचन सहित केही उपमहानगरको पनि उम्मेदवार टुङ्गो लगाएको जनाएको छ।
