जसपालाई विजयी बनाउनुस् सबै वडामा माध्यमिक विद्यालय र अस्पताल खोल्छौ:अध्यक्ष यादव
न्युज सेन्टर नेपाल–
जनता समाजवादी पार्टी लुम्बिनी प्रदेस समितिका अध्यक्ष अशोक कुमार यादवले कृष्णनगरमा जसपा नेपालका उम्मेदवार विजयी भए प्रत्येक वडामा माध्यमिक विद्यालय स्थापना गर्ने बताउनु भएको छ ।
चुनावी सभालाई सम्बोधन गर्दै प्रदेश अध्यक्ष यादवले शिक्षामा पछि परेको माध्यमिक बिद्यालय नभएको वडामा राम्रो ब्यवस्थापन सहितको विद्यालय खोल्ने योजना रहेको जानकारी दिनु भयो ।
अध्यक्ष यादवले भन्नू भयो ” हामी जित नकिकै छौ, सतप्रतिशत निर्वाचित हुन्छौ, कृष्णनगरको शिक्षा, स्वास्थ्य क्षेत्रमा विकास गर्छौ ।”
जिल्लाको कृष्णनगरमा ५० वेडको सुविधा सम्पन्न अस्पताल खोल्ने यादवले बताउनु भयो । जसपा नेपालको चुनाव चिन्ह छातामा मतदान गरि सम्पुर्ण उम्मेदवारहरुलाई विजयी बनाउन उहाले अहवान गर्नुभयो ।
सोही चुनावी कार्यक्रममा बोल्दै युवा नेता शाह नवाब शाहले कपिलवस्तुको कृष्णनगर नगरपालिकामा स्थानीय तहको निर्वाचनमा जसपा नेपालको बलियो स्थिति रहेको बताउनु भएको छ ।
मेयर पदका उम्मेदवार अकरम पठान, उपमेयरको उम्मेदवार आरती सिंह यादव लगायत सम्पुर्ण उम्मेदवारलाई विजयी बनाउन शाह आग्रह गर्नु भयो ।
जिल्लाको कृष्णनगरमा जसपा नेपालका लुम्बिनी प्रदेशका प्रवक्ता अकरम पठान मेयर पदको उम्मेदवारको रुपमा बलियो उम्मेदवार रहेको स्थानीयले बताएका छन ।
विगतका दिन देखि नै समाजिक कार्यमा अग्रसर रहेका पठान चुनावी दोडमा आगाडी देखिएका छन ।
अहिले कृष्णनगरको ६० भन्दा बढी गाउमा घरदैलो अभियान सम्पन्न भएको छ ।
