सकिँदैछ मनसुन
काठमाडौं- प्रदेश १ बाहेकका प्रदेशबाट मनसुन बाहिरिएको छ । जन तथा मौसम पूर्वामानुमान महाशाखाका अनुसार यो वर्षको मनसुन २२ जेठमा पूर्वी भूभागबाट प्रवेश गरेको थियो ।
सरदर अक्टोबर २ (१६ असोज) मा नेपालबाट बाहिरिने भए पनि यसवर्ष केही दिन ढिलो गरी बहिर्गमन सुरु भएको विभागले जनाएको छ ।
आज शनिबारबाट सुदूरपश्चिम, कर्णाली, लुम्बिनी, गण्डकी, बाग्मती र मधेस प्रदेशको पश्चिमी भूभागबाट मनसुन बाहिरिएको छ ।
‘बाँकी भूभागबाट मनसुन बाहिरिन अझै केही दिन लाग्ने सम्भावना छ,’ मौसम पूर्वानुमान विभागले भनेको छ ।
