घाइते हरिकला भण्डारीको स्वास्थ्य अवस्था नाजुक
काठमाडौं- ग्यास सिलिन्डर विस्फोटबाट गम्भीर घाइते हुनुभएकी नेपाली कांग्रेसका नेता डा. चन्द्र भण्डारीकी आमा हरिकला भण्डारीको अवस्था नाजुक भएको छ ।कीर्तिपुर अस्पतालमा उपचारको क्रममा आमा हरिकलाको स्वास्थ्यस्थिति नाजुक बनेकाे पारिवारिक स्रोतले बताएकाे हाे । उहाँ ८८ वर्षकाे हुनुहुन्छ ।
कीर्तिपुर क्लिफ्ड एण्ड बर्न सेन्टरमा उपचार गराइरहेकाे भण्डारीको अवस्था जटिल बन्दै गएको उपचारमा संलग्न चिकित्सकले बताएका छन् । गएराति बुद्धनगरस्थित घरमा ग्यास लिक भएर आगलागी हुँदा आमा घाइते भएको र बचाउन जाँदा सांसद भण्डारी पनि घाइते भएको हाे।
