नेपाली कांग्रेस नेता शाह र मुख्यमन्त्री योगी विच भेटघाट
सनिउल्ला धोबी- नेपाली कांग्रेसका नेता तथा पूर्व सांसद अभिषेक प्रताप शाहले छिमेकी मुलुक भारत उत्तर प्रदेश सरकारका मुख्यमन्त्री योगी आदित्यनाथसँग भेटघाट गर्नु भएको छ । शाहले लखनऊ स्थित मुख्यमन्त्री निवासमा मुख्यमन्त्री आदित्यनाथसँग भेटवार्ता गर्नु भएको हो ।
भेटघाटमा दुई देशको राजनीतिक अवस्था, आपसी सम्बन्ध र नागरिकहरूको हितका विषयमा विशेष छलफल भएको थियो । नेता शाहले दुई देशका नागरिकहरूको हित र विकासका मुद्दाहरूमा गम्भीर छलफल भएको बताउनु भयो ।
मुख्यमन्त्री योगी आदित्यनाथले नेपालीहरूको दुखसुखमा साथ दिने प्रतिबद्धता व्यक्त गर्नु भयो। साथै उहाले सीमावर्ती क्षेत्रमा कसैलाई दुःख नदिन र आपसी समझदारी कायम राख्न आग्रह गर्नु भयो।
शाह र आदित्यनाथबीचको भेटघाटले नेपाल-भारत सम्बन्धलाई अझ मजबुत बनाउन सहयोग पुर्याउने अपेक्षा गरिएको छ। विशेष गरी सीमावर्ती क्षेत्रहरूमा आपसी सहयोग र विकासका परियोजनाहरूलाई प्राथमिकता दिँदै दुई देशबीचको सम्बन्धलाई थप सुदृढ बनाउने प्रतिबद्धता व्यक्त गरिएको छ।
नेता शाहले नेपाल र भारतबीचको ऐतिहासिक सम्बन्धलाई मजबुत बनाउन र नागरिकहरूको हितमा कार्य गर्नको लागि यस्ता उच्चस्तरीय भेटघाटहरू आवश्यक रहेको बताएका छन् ।
यस भेटघाटले दुई देशबीचको आपसी सहयोग र समझदारीलाई नयाँ उचाईमा पुर्याउने आशा गरिएको छ।
