कपिलवस्तुको विजयनगरमा कांग्रेसको शुभकामना आदानप्रदान हुदैं

कपिलवस्तु, विजयनगर– नेपाली कांग्रेसको आयोजनामा आज बिहान ११ बजे कपिलवस्तुको विजयनगर गाउँपालिका स्थित खड़ैचा सभा-हलमा शुभकामना आदानप्रदान कार्यक्रम हुने भएको छ ।

नेपाली कांग्रेस विजयनगर वार्ड नम्बर २ र ३ को संयुक्त पहलमा आयोजना गरिने यस कार्यक्रममा ठूलो दशैं, तिहार तथा छठ पर्वको पावन अवसरमा शुभकामना आदानप्रदान गरिनेछ ।

कार्यक्रममा नेपाली कांग्रेसका स्थानिय नेताहरू, कार्यकर्ताहरू, र सर्वसाधारणहरूको सहभागिता रहने अपेक्षा गरिएको छ ।

सांस्कृतिक विविधता र एकताको प्रतीकका रूपमा रहेका यी पर्वहरूलाई मनाउने अवसरमा यस प्रकारको कार्यक्रमले पार्टी कार्यकर्ताहरूमाझ आपसी सौहार्दता र समन्वयको सन्देश दिने विश्वास आयोजकहरूले गरेका छन ।

कार्यक्रमका विशेष अतिथि तथा वक्ताहरूले नेपाली समाजमा यी पर्वहरूको महत्त्व, नेपाली कांग्रेसको दृष्टिकोण र आगामी दिनमा पार्टीको योजना बारेमा विचार व्यक्त गर्नेछन ।