चन्द्रौटामा बौद्धिक अपाङ्गता र अटिजमसम्बन्धी सचेतनामूलक कार्यक्रम सम्पन्न
पुनहरी घिमिरे कपिलवस्तु
कपिलवस्तुको चन्द्रौटामा बौद्धिक अपाङ्गता र अटिजमसम्बन्धी एकदिने सचेतनामूलक कार्यक्रम सम्पन्न भएको छ । नेपाल विकास केन्द्र, रुपन्देहीको आयोजनामा तथा अटिजम केयर सेन्टर रुपन्देहीको संयोजनमा कार्यक्रम सञ्चालन गरिएको छ।
कार्यक्रममा प्रशिक्षक शिवराज नगरपालिकाका प्रमुख प्रशासनिक अधिकृत बाबुराम पौडेलले बौद्धिक अपाङ्गता र अटिजम भएका व्यक्तिहरूका अधिकार, उनीहरूलाई आवश्यक सहयोग र उनीहरू प्रति सकारात्मक दृष्टिकोण विकास गर्नुपर्ने विषयमा विस्तृत छलफल गरिएको थियो । साथै अभिभावक समाज, शिक्षक तथा समुदायका प्रतिनिधिहरूलाई यस क्षेत्रमा देखिने चुनौती र समाधानका उपायबारे प्रकाश पार्नुभएको थियो ।
शिवराज नगरपालिकाको आर्थिक सहयोगमा सम्पन्न कार्यक्रममा बौद्धिक अपाङ्गता भएका व्यक्तिहरूप्रति समुदायमा सकारात्मक दृष्टिकोण विकास गर्ने उद्देश्य सहित कार्यक्रम गरिएको थियो । कार्यक्रममा नगरका जनप्रतिनिधि, शिक्षक, अभिभावक, स्वास्थ्यकर्मी तथा सरोकारवालाहरूको सक्रिय सहभागिता रहेको थियो।
