जनतासँग संवाद गर्दै क्षेत्र नम्बर २ का उम्मेदवार आचार्य

कपिलवस्तु–

नेपाली कांग्रेस कपिलवस्तु क्षेत्र नम्बर २ का प्रतिनिधि सभा सदस्यका उम्मेदवार सुरेन्द्रराज आचार्यले कपिलवस्तु नगरपालिका वडा नम्बर ६ का विभिन्न स्थानमा पुगेर स्थानीय जनतासँग भेटघाट तथा संवाद गर्नुभएको छ।
चुनावी प्रचारप्रसारका क्रममा उहाँले टोलटोलमा पुगेर स्थानीयका समस्या, आवश्यकता र विकासका अपेक्षाबारे जानकारी लिनुका साथै ती विषयलाई संसदमा प्राथमिकताका साथ उठाउने प्रतिबद्धता व्यक्त गर्नुभयो।
उम्मेदवार आचार्यले शिक्षा, स्वास्थ्य, सडक, खानेपानी तथा रोजगारीलाई प्रमुख प्राथमिकतामा राख्दै समावेशी र दिगो विकासका लागि निरन्तर पहल गर्ने बताउनुभयो। उहाँले जनताको विश्वास र समर्थनले मात्र क्षेत्रको समग्र विकास सम्भव हुने उल्लेख गर्नुभयो।
स्थानीयवासीहरूले दीर्घकालीन विकास योजना, गुणस्तरीय सेवा र युवालाई रोजगारीका अवसर सिर्जना गर्नुपर्नेमा जोड दिएका थिए।
भेटघाट कार्यक्रममा नेपाली कांग्रेसका स्थानीय नेता, कार्यकर्ता तथा समर्थकहरूको उल्लेख्य उपस्थिति रहेको थियो।