मेडिकल व्यावसायि दुर्गा प्रसाईं पक्राउ

राष्ट्र, राष्ट्रियता, धर्म, संस्कृति र नागरिक बचाउ महाअभियानको नेतृत्व गरिरहेका प्रसाईंले वीरगन्जमा कार्यक्रम गर्ने योजना बनाए पनि उनलाई स्थानीय प्रशासनले अनुमति दिएको थिएन । प्रसाईंले भने अनुमति नपाए पनि घन्टाघरमा कार्यक्रम गर्ने अडान राखेका थिए । बिहीबार मात्रै अभियानका जनकपुर संयोजक विजय थापाले दुर्गा प्रसाईंको सम्बोधन हुने उक्त कार्यक्रमलाई ‘विशाल नागरिक सभा’ का रूपमा आयोजना गर्न लागिएको बताएका थिए ।

१९ माघमा दुर्गा प्रसाइ चितवन पुगेका थिए । त्यहाँ उनले तोकिएको स्थानमा भन्दा फरक ठाउँमा कार्यक्रम गर्न थालेपछि प्रहरीले हस्तक्षेप गरेको छ ।

यसअघि २८ चैतमा पनि उनी भारतबाट पक्राउ परेका थिए । त्यतिबेला तीनकुनेमा राजावादी समूहले गरेको हिंसात्मक प्रदर्शनमा उनको भूमिकालाई लिएर उनी पक्राउ परेका थिए ।