बाढीले क्षतिग्रस्त बैंक: डेढ करोड नगद र ५० करोडको सुन सुरक्षित
नेपाल प्रहरीले बाढीले क्षतिग्रस्त बनेको कृषि विकास बैंक त्रिशूली ढुंगे शाखाबाट करोडौं बराबरको नगद र सुन सुरक्षित स्थानमा सारेको छ ।
आइतबार आठ घण्टाको निरन्तर प्रयासपछि बैंकमा रहेको डेढ करोड नगद र अनुमानित ५० करोड बराबरको सुन सुरक्षित स्थानमा सारेको प्रहरीले जनाएको छ ।
यस्तै, बैंकबाट केही महत्वपूर्ण कागजात पनि सुरक्षित फेला परेको प्रहरीले भनेको छ ।
प्रहरीले उक्त प्रयासको संक्षिप्त भिडिओ सामाजिक सञ्जालमा सेयर पनि गरेको छ ।
