नारायणगढ–मुग्लिन सडकको १५ किलोमा लेदो पहिरो , यातायात एकतर्फी
चितवन । नारायणगढ-मुग्लिन सडकखण्डको १५ किलो नजिकै माथिबाट लेदो खसेपछि सवारी आवागमन एकतर्फी बनेको छ ।
शुक्रबार बिहान सडकमा लेदो खसेपछि दुवैतर्फका सवारीसाधन रोकिएका सडक डिभिजन कार्यालय भरतपुरले जनाएको छ। अहिले लेदो पन्छाउने काम भइरहेको छ ।
सडक डिभिजन कार्यालयका अनुसार करिब डेढ घण्टाभित्र सडक दुईतर्फी सञ्चालनमा ल्याउने अनुमान गरिएको छ ।
गन्तव्यतर्फ लागेका सवारीसाधन सडकमा रोकिएकाले यात्रा गर्दा सावधानी अपनाउन तथा धैर्य गर्न प्रहरीले आग्रह गरेको छ ।
