मौसम पूर्वानुमान : आज देशभर विभिन्न ठाउँमा पानी पर्ने
काठमाडौं– आज देशका विभिन्न ठाउँमा मेघगर्जन, चट्याङ र हावाहुरीसहित वर्षा हुने मौसमविद्ले बताएका छन्।दक्षिण बंगालको खाडीमा बनेको चक्रवात “असानी“ को अप्रत्यक्ष प्रभाव, स्थानीय वायु र भारतको बिहारदेखि पश्चिम बङ्गालसम्म बनेको न्यून चापीय प्रणाली तथा पश्चिमी वायुको संयुक्त प्रभाव रहेकाले देशका विभिन्न ठाउँमा मेघगर्जन, चट्याङ र हावाहुरीसहित वर्षा हुने मौसमविद्ले बताएका हुन्।
मंगलबार विशेषगरी सुदूरपश्चिम, कर्णाली र गण्डकी प्रदेशको केहि स्थानमा र बाँकी भूभागको थोरै स्थानमा पानी पर्ने मौसम पूर्वानुमान महाशाखाले जनाएको छ।महाशाखाका अनुसार राति पनि प्रदेश १, मधेस, बागमती र गण्डकी प्रदेशका थोरै स्थानमा र बाँकी प्रदेशका पहाडी भूभागका एक दुई स्थानमा मेघगर्जन, चट्याङसहित हल्का वर्षाको सम्भावना रहेको छ।
यस्तै बुधबार दिउँसो देशभर आंशिकदेखि सामान्य बदली भइ प्रदेश १, बागमती र लुम्बिनी प्रदेशको केही स्थानमा र बाँकी प्रदेशका थोरै स्थानमा मेघगर्जन, चट्याङसहित हल्कादेखि मध्यम वर्षाको सम्भावना रहेको छ।
बुधबार राति प्रदेश १, मधेश, बागमती र लुम्बिनी प्रदेशको थोरै स्थानहरूमा र बाँकी प्रदेशका एकदुई स्थानहरूमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ।
यसैगरी बिहीबार दिउँसो प्रदेश १, मधेश, बागमती, गण्डकी तथा लुम्बिनी प्रदेशका केही स्थानहरुमा मेघगर्जन र चटयाङसहित हल्कादेखि मध्यम वर्षाको संभावना रहेको छ। कर्णाली र सूदूरपश्चिम प्रदेशहरुका थोरै स्थानहरूमा मेघगर्जन र चटयाङसहित हल्का वर्षाको सम्भावना रहेको छ।
राति प्रदेश १, मधेश, बागमती, गण्डकी तथा लुम्बिनी प्रदेशका केही स्थानहरुमा मेघगर्जन र चटयाङसहित हल्कादेखि मध्यम वर्षाको संभावना रहेको छ। कर्णाली र सुदूरपश्चिम प्रदेशहरुका एकदुई स्थानहरूमा मेघगर्जन र चटयाङसहित हल्का वर्षाको सम्भावना रहेको छ।साथै तराईका भू-भागहरुमा हावाहुरीको सम्भावना पनि रहेको देखिने मौसम पूर्वानुमान महाशाखाले जनाएको छ।
