सिमरा विमानस्थलबाट उडान कटौती हुने
काठमाडौं-बाराको सिमरा विमानस्थलबाट जेठ २४ गतेदेखि आगामी असार १३ गतेसम्म दैनिक उडानमा कटौती हुने भएको छ ।विमानस्थल क्षेत्रमा मर्मत सम्भारको काम हुने भएकाले २० दिन दैनिक उडान कटौती गर्न लागिएको हो ।
यस अवधिमा बिहान ६ देखि ११ बजेसम्म मात्रै उडान हुने सिमरा विमानस्थलले जनाएको छ । विमानस्थलका अनुसार नियमित १२ उडान हुँदै आएको सिमरा विमानस्थलबाट सो अवधिमा दैनिक आधामात्रै उडान हुने छ ।
धेरै समयदेखि जीर्ण बनेको सिमरा विमानस्थल मर्मत सम्भार गर्न दैनिक उडान कटौती गर्नु परेको बताइएको छ ।
