इन्जिनमा खराबी देखिएपछि छ मिनेटमा नै अवतरण
गण्डकी- पोखराबाट काठमाडौंतर्फ उडेको यती एयरलाइन्सको जहाजको इन्जिनमा खराबी देखिएपछि उडेको छ मिनेटमा नै पोखरा विमानस्थलमा अवतरण गरिएको छ ।यती एयरलाइन्सको ९–एनएएनजी कल्साइन जहाज आज बिहान पोखराबाट काठमाडौं उडेको छ मिनेटमै पुनः पोखरा विमानस्थलमा अवतरण भएको पोखरा विमानस्थलका सूचना अधिकारी देवराज सुवेदीले बताउनु भयो । बिहान ८ः४५ बजे उडेको जहाजमा ४५ जना यात्रुहरु जहाजमा सवार रहेका थिए ।
