सल्यानमा गोली लागि एक जनाको मृत्यु

सल्यान- सल्यानमा सिकार खेल्न गएका एक जनाको भरुवा बन्दुकको गोली लागेर मृत्यु भएको छ । जिल्लाको बनगाड कुपिण्डे नगरपालिका ९ स्वाराका अन्दाजी १६ वर्षीय चित्रबहादुर रावतको मृत्यु भएको सल्यान जिल्ला प्रहरी कार्यालयलेजानकारी गरेको छ ।

जिल्ला प्रहरी सल्यानका सूचना अधिकारी सन्तोष खनालले घाइते रावतको उपचारका लागि सुर्खेत लैजाँदै गर्दा बाटोमै मृत्यु भएको बताउनुभयो । उहाँका अनुसार बन्दुक बोकेका आइते रावत बन्दुकसहित फरार भएको र उनको खोजी कार्य भइरहेको जनाए ।

सोमबार दिउँसो गाउँबाट झन्डै दुई किलोमिटर टाढा बाहुनका जङ्गलमा सिकार खेल्न जाँदा सोही ठाउँका अन्दाजी ४० वर्षीय आइते रावतले बोकेको बन्दुक एक्कासि पड्किँदा घाइते चित्रबहादुर मृत्यु भएको हो ।