कृषि मन्त्रालयमा नवनियुक्त र निवर्तमान मन्त्रीको अंकमाल
नवनियुक्त कृषि तथा पशुपन्छी विकास मन्त्री घनश्याम भुसाललाई निवर्तमान कृषिमन्त्री चक्रपाणि खनालले मन्त्रालयमै पुगेर स्वागत गरेका छन् ।
भुसाल मन्त्रालयमा पुगेको केहीबेरपछि पुगेका खनालले हात मिलाएर र अंकमाल गरेर बधाई दिएका हुन् ।
भुसाललाई खनालका अलावा मन्त्रालयका कर्मचारी र शुभचिन्तकहरूले स्वागत गरेका थिए ।
खनाल र भुसाल दुवै प्रदेश ५ का हुन् र छिमेकी जिल्लाबाट प्रतिनिधित्व गर्छन् । खनाल कपिलवस्तु र भुसाल रुपन्देहीबाट सांसद निर्वाचित भएका थिए ।
