फ्राइडे रिलिज : आज हलमा आर्यनको ‘च च हुई’
काठमाडौं ।फ्राइडे रिलिज अन्र्तगत आजबाट नयाँ नेपाली चलचित्र ‘च च हुई’ रिलिज भएको छ । डार्क कमेडी कथामा तयार भएको चलचित्रलाई साम्तेन भुटियाले निर्देशन गरेका हुन् । चलचित्रले दुई साथीको कथालाई उठान गरेको छ ।
च च हुईं’मा आर्यनले विदेशबाट देश राष्ट्रियता सम्झेर देश फर्किने युवाको भूमिका निर्वाह गरेका छन् । फिल्ममा आर्यनका र मिरुनाका साथ माओत्से गुरुङ, भोलाराज सापकोटा, पुस्कर गुरुङ, बबिता मल्ललगायत कलाकारहरूको अभिनय रहेको छ ।
फिल्मलाई एजीएल इन्टरटेनमेन्टको ब्यानरमा रहेर अमृत घोले लामाले निर्माण गरेका हुन् । सुशन प्रजापतिको छायांकन रहेको फिल्मलाई नेपाल, हङकङको नर्थ पोइन्ट, जोर्डन, गार्डेन हिललगायतका रमणीय स्थानमा छायांकन गरिएको छ । सिजन दाहाल र सन्देश अर्यालको कथामा निर्माण भएको फिल्मको गीतमा राजनराज सिवाकोटी र रोशन थापाले संगीत भरेका छन्
