कपिलवस्तु शिवराज ६ का पाँच सय जनालाई झुल वितरण
सनिउल्ला धोबी-
कपिलवस्तुको शिवराज नगरपालिका वडा नं ६ का स्थानीयवासीलाई लमखुट्टेको टोकाइबाट बचाउन झुल वितरण गरिएको छ ।
वडा कार्यालयद्वारा आयोजित कार्यक्रममा ५०५ जनालाई झुल वितरण गरिएको वडा अध्यक्ष माहेताब आलम खाले जानकारी दिनुभयो ।
वडा अध्यक्ष खाका अनुसार वृद्ध, ज्येष्ठ नागरिक, अपांगता भएका व्यक्ति, महिला तथा गर्भवती महिलालाई प्राथमिकता दिई झुल वितरण गरिएको हो ।
अध्यक्ष खाले स्वास्थ्य सुरक्षालाई ध्यान दिँदै वडा कार्यालयले विभिन्न कार्यक्रम सञ्चालन गरिरहेको बताउनुभयो । “डेंगु, मलेरिया तथा लमखुट्टेबाट सर्ने अन्य रोगहरूबाट बच्न झुल उपयोगी भएकाले झुल वितरण गरेको बताउनु भयो ।
वडा सचिव राम प्रसाद चौधरीका अनुसार झुल वितरणले स्थानीयको स्वास्थ्य सुधारमा सहयोग गर्ने विश्वास गरिएको छ ।
“गर्मी मौसममा लमखुट्टेको टोकाइबाट धेरै समस्या हुने भएकाले यो कार्यक्रम महत्वपूर्ण रहेको वडा सचिव राम प्रसाद चौधरीले जानकारी दिनुभयो ।
झुल पाएपछि स्थानीय नागरिक खुसी भएका छन । उनीहरूले वडा कार्यालयलाई धन्यवाद व्यक्त गर्दै आगामी दिनमा पनि यस्ता सहयोगी कार्यक्रम निरन्तर सञ्चालन गर्न आग्रह गरेका छन ।
