पैसा फोटोकपी गरी ठगी गर्ने तामाङ नियन्त्रणमा
कास्की । नेपाली रुपैयाँको फोटोकपी गरेर ठगी गरेको अभियोगमा धादिङ काजि तामाङलाई प्रहरीले नियन्त्रणमा लिएको छ ।
उनले एक हजारको नेपाली नोेट फोटोकपी गरेर पसलमा दिएको अपराध महाशाखाले बताएको छ ।
तामाङलाई काठमाडौं प्रहरीले नियन्त्रणमा लिएपनि उनले रकम फोटोकपी गर्ने काम पोखरामा गरेको बताएका छन् । पोखराको बगरमा रहेको ‘आविष्कार फोटो’बाट रकम फोटोकपी गरेको बताएपछि उक्त पसलको फोटोकपी मेशिन पनि प्रहरीले बरामद गरेको छ ।
धनिराम पौडेलको फोटो स्टुडियोबाट तामाङले नेपाली रुपैयाँ फोटोकपी गरेको स्वीकार गरिसकेको प्रहरी स्रोतले जनाएको छ । उनलाई थप अनुसन्धानपछि कानुनी कारबाही अगाडि बढ्ने बताइएको छ ।
पसल सञ्चालक पौडलले भने यो घटनामा आफू संलग्न नभएको बताएका छन् । तामाङले दुई महिना अगाडि आफ्नो पसलमा काम गरेको उनले जानकारी दिएका छन् ।
