कपिलवस्तुमा लकडाउन उलंघन गर्ने १ सय ३१ सवारीसाधनलाई कार्वाही

बृजेश यादव, कपिलवस्तु-  कोभिड-१९ को संक्रमण थप फैलिन नदिन तथा नियन्त्रण र व्यवस्थापन गर्न कपिलवस्तु जिल्लामा निषेधाज्ञा लागु गरेको आज चौथो दिन निषेधाज्ञाको अवज्ञा गर्ने सवारी साधनलाई प्रहरीले कारवाही गरेको  छ।

 लकडाउन उलंघन गरि आफु खुसी सवारी साधनमा आवत- जावत गर्ने मोटरसाईकल १ सय १ , अटोरिक्सा १२, ट्याक्टर १७ र बस १  गरी जम्मा १३१ सवारी साधनहरु निषेधाज्ञाको अवज्ञा गरेकाले नियन्त्रणमा लिई तोकिएको कानून बमोजिम आवश्यक कारवाही गरिएको  प्रहरी उपरीक्षक नवराज अधिकारीले बताउनु भयो ।   अनावश्यक हिंड-डुल गर्ने १०० भन्दा बढी व्यक्तिहरुलाई  सम्झाई-बुझाई, मास्क प्रयोग नगरेका व्यक्तिहरुलाई अनिवार्य मास्क गर्न अनुरोध गरेको प्रहरी उपरीक्षक अधिकारीले बताउनुभयो ।

 हाल विश्वकै अवस्था जीवन- मरणको संघारमा रहेको र मानवीय जगतको अस्तित्वका लागि पनि हामी केही समय घर भित्रै रहेर साथ र सहयोग गरिदिनु हुन जिल्ला प्रहरी कपिलवस्तु हार्दिक अपिल समेत गरेको छ ।