बुटवलमा भन्सार छली ल्याइएका ५० लाख रुपैयाँभन्दा बढीकाे सामान बरामद
रुपन्देही – बुटवलमा भारतबाट भन्सार छलेर ल्याइएका ५० लाख रुपैयाँभन्दा बढीको सामान बरामद गरिएकाे छ ।
जिल्ला प्रहरी कार्यालय रुपन्देहीका अनुसार बुटवल १ मा तिनाउ पुल नजिक लिपगार्ड, कुर्ता सुरुवाल, चुन्नी, बनारसी साडीसहित दुई जनालाई पक्राउ गरिएको हो ।
पक्राउ पर्नेमा रुपन्देहीको सैनामैना २ का ४० वर्षीय तुलसी थारु र त्यही ठाउँका ४० वर्षीय मीनप्रसाद भण्डारी रहेका छन् ।
बरामद गरिएको सामानको मूल्य ५१ लाख ४८ हजार रुपैयाँभन्दा बढीको रहेको प्रहरी प्रवक्ता सत्यनारायण थापाले जानकारी दिनुभयो । ती सामान भारतबाट भन्सार छलेर नेपाल ल्याइएका हुन्।
