घुस रकमसहित मालपोतका प्रमुख पक्राउ
काठमाडौं -अख्तियार दुरुपयोग अनुसन्धान आयोगले घुस रकमसहित मालपोत कार्यालय चितवनका अधिकृतलाई नियन्त्रणमा लिएको छ । ५० हजार रुपैयाँसहित मालपोत अधिकृत मुकुन्द पौडेललाई प्रकाउ गरेको अख्तियारका सहायक प्रवक्ता वेदप्रसाद भण्डारीले जानकारी दिनु भयो ।
प्रवक्ता भण्डारीका अनुसार अंशबण्डा एवं बाटो कायम गरी जग्गाधनी प्रमाणपूर्जा बनाइ दिएवापत सेवाग्राहीसँग घुस माग गरिरहेको भन्ने उजुरीका आधारमा नियन्त्रणमा लिएको हो। घटनाबारे थप अनुसन्धान भइरहेको अख्तियारले जनाएको छ।
