प्यूठानको सरुमारानीमा बेरुजु शुन्य

 प्यार अलि खान,प्यूठान- प्यूठानको सरुमारानी गाउँपालिकाले बेरुजु रकम शुन्यमा झारेको गाउँपालिकाले जनाएको छ। आर्थिक वर्ष २०७७/०७८ मा बेरुजु फछ्र्योट गर्दा शून्यमा झारिएको प्रमुख प्रशासकीय अधिकृत चिन्तामणी रेग्मीले जानकारी दिनु भयो ।

गाउँपालिकाले आव ०७७/०७८ मा एकीकृत आर्थिक विवरण अनुसार ४६ करोड ८४ लाख ४० हजार ८ सय ६० रुपैयाँको कारोबार गरेको थियो। मलेपको प्रारम्भिक प्रतिवेदनबाट गाउँपालिकाको पेश्की बेरुजु १ करोड ४४ लाख ४८ हजार रुपैयाँ, पेश्की बाहेकको बेरुजु १६ लाख १२ हजार ६ सय ८५ रूपैंया गरि कुल बेरुजु १ करोड ६० लाख ६० हजार ६ सय ८५ रूपैंया बराबरको सम्पूर्ण बेरुजु सम्परीक्षण भई आव ०७७/०७८ को बेरुजु शुन्य भएको प्रमुख प्रशासकीय अधिकृत रेग्मीको भनाई रहेको छ।