केपी ओलीजस्तो ज्याद्रो मान्छेलाई कमलो मनका प्रचण्डले चिन्नुभएन : माधव नेपाल
काठमाडौं – नेकपा एकीकृत समाजवादीका अध्यक्ष माधवकुमार नेपालले तत्कालीन नेपाल कम्युनिष्ट पार्टीका अध्यक्ष केपी शर्मा ओलीले अर्का अध्यक्ष प्रचण्डलाई अन्याय गरेको बताउनु भएको छ ।
कमलो मनका प्रचण्डले ओलीजस्तो ज्याद्रो मान्छेलाई चिन्न नसकेको उहाँले गुनासो गर्नु भयो । पुस ५ का सन्दर्भमा आज काठमाडौंमा आयोजित एक कार्यक्रममा नेपालले ओलीलाई धुन्धुकारी व्यक्तिको संज्ञा दिनु भयो ।ओलीले प्रचण्डसँग आलोपालो अध्यक्ष र प्रधानमन्त्रीका लागि गरेको सहमति पालना नगरेको नेपालले बताउनु भयो ।
ओली र प्रचण्डबारे नेपालको भनाइ यस्तो थियो :
‘पार्टीमा ओलीले मनोमानी गर्न थालेपछि एक अध्यक्षले पार्टी र अर्कोले सरकार सञ्चालन गर्ने जोडदार माग उठ्यो । सरकार र पार्टी आलोपालो चलाउने सहमति पनि भयो । तर कमरेड प्रचण्ड सोझो हुनुभयो । अब मेरो पालो भन्नुपथ्र्यो नि, भन्दै नभन्ने । भर्खरै एकता भएको छ, पार्टी एकता विग्रिन्छ भनेर होला । उहाँको कमलो मनमा त्यही परेछ । केपी ओलीजस्तो ज्याद्रो मानछेलाई उहाँले चिन्नु भएन । मत हत्तुहैरान भएको मान्छे । तर उहाँलाई पनि ओलीले सहन सकेनन् ।’
