कपिलवस्तुको कृष्णनगरमा कफ्र्यु, प्रहरीले गोली चलाउदा एक जनाको मृत्यु

कार्तिक १४ कपिलवस्तु
कपिलवस्तुले कृष्णनगरमा लागेको कफ्र्युको अवज्ञा गरेपछी प्रहरीले चलाएको गोली लागि एक जनाको ज्यान गएको छ । प्रहरीले चलाएको गोली लागि कृष्णनगर नगरपालिका २ का २० बर्षिय सुरज कुमार पाण्डेको ज्यान गएको हो ।

जिल्ला प्रशासन कार्यलय विहान ११ वजे देखी लागु हुने गरी अनिश्चित कालिन कफ्र्यु आदेश जारी गरेको छ ।

कृष्णनगर बजार क्षेत्रमा लक्ष्मी पुजाको मुर्ती बिर्सजन विषयमा स्थानियहरु विच विवाद भएपछी झडप समेत भएको थियो । विवाद पछि गोली चल्दा उक जनाको ज्यान गएको छ । प्रहरीले चलाएको गोली लागेर स्थानिय सुरज पाण्डेको ज्यान गएको छ ।

वुधवार भएको उक्त झडप उग्र बनेपछी कफ्र्यु आदेश जारी गरेको प्रमुख जिल्ला अधिकारी गजेन्द्र वहादुर श्रेष्ठले वताउनुभयो । झडपमा परी केहि स्थानिय र प्रहरी घाइते समेत भएका छन ।विषय सामान्य भएभपनि विवाद उत्कर्षमा पुगेकोले अवस्था जटिल बनेको प्रहरीको वुझाई छ । प्रहरीले झडपलाई नियन्त्रण गर्न वुधवार मात्र ५० राउण्ड अश्रुग्यास प्रहार गरेको थियो ।

आज विहान जिल्ला प्रशासनले कृष्णनगर भन्सार कार्यलय देखी उत्तर तर्फ ७ सय मिटर,पश्चिम तर्फ ७ सय मिटर,पुर्व तर्फ ३ सय मिटरमा कफ्र्यु लगाइएको जनाएको छ । कफ्र्यु आदेश अवज्ञा गरे कानुन बमोजिम कारवाही हुने जिल्ला प्रशासनले जनाएको छ ।