निर्मला प्रकरण : भेजिनल स्वाबमा भेटिएको बिर्य प्रमाण नहुने

निर्मलाको भेजिनल स्वाबमा भेटिएको पदार्थ बिर्य हो होइन भन्ने पुष्टि नभएको भन्दै त्यसलाई प्रमाण मान्न नसकिने समितिको प्रतिवेदनमा उल्लेख गरेको छ ।

गत भदौ २६ गते गृृहमन्त्रीस्तरीय निर्णय अनुसार गठन भएको प्राविधिक अनुसन्धान समितिले केही दिनअघि बुझाएको प्रतिवेदनमा प्रयोगशालामा भेटिएको बिर्य ‘भेरिफाई’ नै गर्न नसकिएको उल्लेख छ ।

निर्मलाको भेजिनल स्वाबमा भेटिएको बिर्य संकलन र त्यसको परीक्षण विधिबारे अनुसन्धान गर्न राष्ट्रिय विधि विज्ञान प्रयोगशालाका पूर्वनिर्देशक जीवन रिजालको संयोजकत्वमा तीन सदस्य समिति गठन भएको थियो । नागरिक दैनिकले खबर छापेको छ ।