मध्यरातमा पूर्व सहायकमन्त्री पक्राउ

पूर्व सहायकमन्त्री रुप ज्योतिलाई प्रहरीले बिहीबार राति त्रिभुवन अन्तर्राष्ट्रिय विमानस्थलबाट पक्राउ गरेको हो । रुप ज्योतिलाई घर जग्गा कारोबार गठी आरोपमा पक्राउ गरिएको महानगरीय प्रहरी परिसरका प्रवक्ता डिएसपी होबिन्द्र बोगटीले जानकारी दिनुभएको छ ।

प्रहरीका अनुसार पूर्व सहायकमन्त्री रुप ज्योतिले बालुवाटारका वीरेन्द्र श्रेष्ठलाई बाँसबारीस्थित हाउजिङको एक फ्ल्याट १ कराेड २६ लाख रुपैयाँमा पास गरी दिन्छु भन्दै २०७५ मंसिरमा रकम बुझेका थिए । रकम बुझे पनि उनले श्रेष्ठलाई फ्ल्याट उपलब्ध गराएनन् ।

त्यसपछि श्रेष्ठ र उनीबीच विवाद भयो । रुप ज्योतिले सर्वोच्च गएर फ्ल्याटको निषेधाज्ञा जारी गराएका थिए । सर्वोच्चले मंगलबार मुद्दामा अन्तरिम आदेशको विपक्षमा फैसला सुनाएपछि प्रहरीले रुप ज्योतिलाई पक्राउ गरेको हो ।